دِهّـــــــــــــنٍ أًلًـــعٌــــــــــؤٌد

دهن عود ٍ فيــك ذكـّـــرنــي *** ومرّت الأيام لـي بسـاعـــه

شفت فيها كــل ما ســرنـــي *** وضاق قلبي من الذي باعه

كنت هايم في الهـوى أبـنــي *** من حصون الحب وقلاعـه

لو تضيع الأرض ما همْنــي *** دام لي من حبـّـك ذراعـــه

ولو يزول الكـون أو يفنِــــي *** أشتري به رضوتك ساعـه

كلّ هـــــمْ الخلــق ماهـمنــي *** هـم قلبي هـجـر وقـطاعــه

جهلي الأسباب مـا سمّنـــــي *** سمْ روحي كذبـه وخداعــه

سمّني من كـــــان يلهمنــــي *** بالخداع مــــزوّر قناعـــــه

يبري جرحي ثــــم يطعنـــي *** يشفي غله بزود الأوجاعـه

ليـت بالأسبـــــاب يخبرنـــي *** كان هان الجرح لو لاعـــه

بس صار الجرح لــه فنـّـــي *** حرفة ٍ من دونهــا ضاعــه

دهن عودك خلـّي لــوّعنـــي *** خذ دهونك وارحل الساعـه

وبس يكفـــــي لا تذكـّرنـــي *** عنك قلبي صار لـه مناعــه

ولوْ لان القـلـــــب لا تظنــي *** إن لك في القلب مرباعــــه

لأن قلبي صار مستــغنـــــي *** عن محبة من شرى وباعـه

بس خذها كلمـــــــة منــــــي *** تالي خلّ تخدعـــــه راعَــه

وفكـّر بالظروف لا تظنــّــي *** إن تبعك الحظ ّبخــــداعـــه

وصرت فـايز دوم متـْـهنـّـي *** تغرّك الأفراح كــم ساعـــه

ومرة فيه يخيّـب الظنــّـــــي *** وتنقلب الأوضاع بفضاعــه

كان لــك بالفــــرح متـــعنـّي *** ويغـــدي للحــزن مذياعـــه

لا تجي بعدين وتحنـــــــــّي *** واتــّرجى وصل الـقطاعـــه

تذكر إللي كان وتظنـّــــــي *** لك أمور الأمس شفــّـاعــــه